Tani po vijnë ditët e ngrohta, daljet në plazh, e bashkë me to duhet shtuar edhe kujdesin për lëkurën.
Të gjithë do të fillojmë të përdorim kremrat për mbrojtje ndaj rrezeve të diellit. Por, sa shpesh realisht duhet t’i përdorim ato?
Përdorimi i kremit për mbrojtje kundër rrezeve të diellit, që shpesh herë thuhet të përdoret vetëm një herë në ditë, nuk është e mjaftueshme, shkruan The Guardian, transmeton Klan Kosova.
Një testim me katër brendet më të mëdha të kremrave mbrojtëse ndaj rrezeve të diellit, ka dalë me rezultat që pas tetë orëve të aplikimit te kremës, efekti i saj bie deri në 74%, kështu duke e lënë lëkurën të ndjeshme ndaj rrezeve ultravjollcë.
Ndërsa, në Australi, brendet nuk janë të lejuara që të vendosin mbishkrimet për përdorim një herë në ditë, në mënyrë që të mos keq informohen konsumatorët.
Andaj kremrat për mbrojtje duhet t’i vendosni më shpesh se një herë në ditë.