Banka Europiane për Rindërtim dhe Zhvillim mund të disbursojë kredinë më të madhe që ka dhënë ndonjëherë në historinë e saj për të financuar gazsjellësin Transadrtiatik. Lajmin e ka bërë publik, drejtori i departamentit të energjisë në Berzh Ricardo Puliti i cili gjatë një interviste për Rojters tha se kjo banka mund të akordojë 1.5 miliardë euro për TAP.
Sipas tij, paketa e kredisë së bashku me fondet që TAP ka siguruar nga bankat e tjera, e mbyllin plotësisht cështjen e financimit të këtij projekti.
Më parë, një tjetër Bankë zhvillimi, ajo Europiane e Investimeve ka njoftuar se do të financojë 2 miliardë euro në ndërtimin e TAP.
Punimet ndihmëse të gazsjellësit si rrugët apo dhe veprat e tjera mbështetëse kanë nisur që vitin e kaluar. Ndërsa puna për shtrirjen e tubacionit do të nis pas pak ditësh në datën 17 maj.
Gazsjellësi me gjatësi 870 kilometër është pjesë e korridorit energjetik të jugut. Ai nis si degëzim i gazsjellësit Transanatolian në kurifin turko grek dhe pasi kalon përmes shqipërisë përfundon në Itali, shkruan TCH.
TAP pritet të transportojë rreth 10 miliardë metër kub gaz në vit nga fushat e shah denizit nga azerbajxhan në jug të italisë. Ndërtimi i projektit pritet të ketë efekte pozitive në ekonomi, përmes investimeve direkte, hapjen e vendeve të punës dhe gazifikimin e vendit. javanews/ a.k