Ministri i Bujqësisë Pylltarisë dhe Zhvillimit Rural, Memli Krasniqi, ka thënë se më nuk ekzistojnë probleme sa i përket plasimit të produkteve kosovare në Shqipëri.
Ai ka thënë se për Shqipërinë, Kosova është tregu i dytë më i rëndësishëm eksportues.
“Për Shqipërinë, Kosova është tregu i dytë i rëndësishëm eksportues dhe kjo nuk ka ndodh rastësisht dhe është pikërisht bujqësia ajo që e ka ndikuar këtë më së shumti”, ka deklaruar ai në Tribuna Channel.
Krasniqi ka theksuar se edhe nëse shfaqen probleme të tilla, ekzistojnë lehtësirat të cilat nuk kanë formalitete burokratike, por se komunikimi mes dy vendeve është i drejtëpërdrejtë.
Krasniqi ka thënë se shumë shpejtë në Kosovë do të vijë një kompani gjermane, e cila do të fillojë me operime në sektorin e bujqësisë në vend.
“Është një nga rastet ndoshta të vetme kur kemi të bëjmë me një kompani evropiane e cila i bart linjat e prodhimit të përpunimit dhe operimit nga një shtet i Bashkimit Evropian dhe I vendosin në Kosovë për ta vazhduar të njëjtën punë por që prodhimet do të jenë nga Kosova. Kjo kompani ka prezencë të suksesshme në tregun evropian”, ka thënë Krasniqi, transmeton gazetatribuna. (b.an)
