Ish-kryeparlamentari i Kosovës, Jakup Krasniqi, ka dalë sot para bankës së të akuzuarit në Gjykatën e Hagës, në rolin e ish-zëdhënësit të UÇK-së. Teksa iu lexuan akuzat, Kasniqi është prezantuar para togës së zezë.
Aktakuza kundër Jakup Krasniqit u konfirmua më 26 tetor 2020, ndërkohë që ai u arrestua nga Zyra e Prokurorit të Specializuar më 4 nëntor dhe u transferua në objektin e paraburgimit të Dhomave të Specializuara të Kosovës (DHSK) në Hagë në të njëjtën ditë.
Jakup Krasniqi refuzoi të ketë një avokat mbrojtës pasi u shpreh se mund ta përfaqësojë vetë veten e tij.
I akuzuar për vrasje të katolikëve dhe keqtrajtim të personave pas lufte, Krasniqi i tha gjykatës se është fyese që Prokuroria i ndan shqiptarët në katolikë e myslimanë. Ai u shpreh se adresa e kësaj maskarade është Beogradi.
Kransiqi shtoi se kurrë në jetë nuk ka keqtrajtuar askënd.
Ai kritikoi ashpër cilësimin nga ana e ‘Speciales’ për anëtarët e Shtabit të Përgjithshëm të UÇK-së, si “ndërmarrje e përbashkët kriminale”.
Kujtojmë se atakuza e ngarkon Krasniqin me akuza për krime lufte dhe krime kundër njerëzimit sipas të drejtës ndërkombëtare, për forma të ndryshme të përgjegjësisë penale, kanë njoftuar nga Dhomat e Specializuara.
Prezantimi:
Unë jam Jakup Krasniqi.
Data e lindjes dhe vendi?
1951. Kosovar
E kuptoni gjuhën shqipe?
E flas dhe e kuptoj mirë gjuhën shqipe.
Zoti Krasniqi më konfirmoni nëse e keni marrë aktakuzën e datës 4?
Po e kam marrë. Një pjesë të saj e kam marrë në 4 nëntor 2020. Edhe në burgun e Hagës kam marrë një aktakuzë të korrigjuar. Është në gjuhën shqipe, e kam lexuar mirë dhe e kam kuptuar mirë.
/a.r
