Pavarësisht kritikave të forta që mori Ridley Scott në Francë për filmin e tij ” Napoleon “, arkëtimet e eposit historik janë mbresëlënëse, duke arritur në 9.76 milionë dollarë nga 1.15 milionë bileta të shitura në dy javët e para në kinema.
“Napoleon” mori vlerësimin më të ulët nga të gjithë filmat e fundit të Scott në Allociné, në bazën e të dhënave franceze të filmave ekuivalente me IMDb në SHBA, me 2.3 yje nga 5 nga 4659 komente të përdoruesve, sipas Variety.
Kolumnisti Romain Marsilli dhe historiani Patrice Genifet folën për Variety për reagimin armiqësor të filmit në atdheun e Napoleonit.
Nuk është çudi që francezët shkuan për të parë filmin “Napoleon” në kinema.
Sapo lexova një sondazh që thotë se 74% e të anketuarve ende e admirojnë Napoleonin, tha historiani, i cili ka shkruar disa libra të vlerësuar nga kritika për Napoleonin dhe ka folur për filmin kontrovers pothuajse në çdo kanal francez të lajmeve.
Devijimet nga ngjarjet aktuale nuk janë pengesat më të mëdha të filmit, vuri në dukje ai.
Në film gjithçka është e gabuar, duke filluar me stinët që janë “të gjitha të ngatërruara”, vëren ai.
Napoleon Bonaparte ishte 35 vjeç kur u bë perandor i Francës dhe luhet nga Phoenix, i cili është 49 vjeç.
“Ata nuk u përpoqën ta bënin atë të dukej më i ri. Ai duket i lodhur dhe i pafrymëzuar”, thotë ai.
Ndërkohë, Josephine ishte gjashtë vjet më e madhe se Napoleoni, që në atë kohë ishte “një diferencë e madhe moshe. Por në film, ajo luhet nga Kirby, e cila është 14 vjet më e re se Phoenix”, shton ai.
“Jozefina ishte një grua e mençur, e cila tashmë kishte një jetë kur u martua me Napoleonin, i cili ishte një burrë më i ri dhe shumë ambicioz”, nënvizon historiani.
“Kjo dinamikë është ndryshuar tërësisht në film sepse Napoleoni duket shumë më i vjetër”, vlerëson ai.
“Unë nuk jam kundër skenave të sajuara, por kur shohim Napoleonin të vendosë dorën mbi kalin e plagosur për të marrë plumbin dhe për t’ia dhënë nënës së tij, mendova se ishte groteske”, thotë ai, duke shtuar: “Ai kishte një marrëdhënie shumë të largët me nënën e tij”.
Marsili thotë për Variety se kishte pritshmëri të ulëta për saktësinë historike të filmit pasi pa trailerin.
“Kur pashë bombardimin e Piramidave në trailer, m’u duk qesharake, por mendova, ‘Mirë, Ridley Scott po na jep mendimin e tij për Napoleonin!’” shpjegon Marsili, i cili, ashtu si Napoleoni, lindi në Korsikë dhe prodhoi dokumentarë për Perandorin për Vice TV France, të cilin drejtonte.
Ajo që i shqetësoi më shumë francezët, sipas Marsili, është portretizimi “i mangët” i Napoleonit si personazh “i moderuar”.
“Ky film është si të pështysh në fytyrë francezëve, sepse ata mendojnë se Ridley Scott satirizoi si Napoleonin ashtu edhe historinë e Francës”, tha Marsili, i cili jep mësim në Universitetin Science Politique të Francës./m.j
