Komisioni Qendror i Zgjedhjeve bëri me dije se ditën e enjte, më datë 02.07.2015, ora 10:00, zhvillon mbledhjen ku do të shqyrtohen disa projekt-vendime që kane të bëjnë me ankesat e subjekteve zgjedhore te depozituara në KQZ.
Komisioni Qendror i Zgjedhjeve do të shqyrtojë të enjten projekt-vendimin për shqyrtimin e kërkesave ankimore nr.59, 62, 65, 39, 66, 67, 69, 70, 71, 72, 73 dhe 52, të depozituara në KQZ nga subjektet zgjedhore, projekt vendimin për nxjerrjen e rezultatit të votimit për zgjedhjen e kryetarit të bashkisë Vlorë, qarku Vlorë, projekt- vendimin për nxjerrjen e rezultatit të votimit për zgjedhjen e këshillit të bashkisë Vlorë, qarku Vlorë, projekt- vendimin për nxjerrjen e rezultatit të votimit për zgjedhjen e kryetarit të bashkisë Elbasan, qarku Elbasan, për zgjedhjet për organet e qeverisjes vendore të datës 21.06.2015.
Po ashtu, Komisioni Qendror i Zgjedhjeve do të shqyrtojë edhe projekt- vendimin për nxjerrjen e rezultatit të votimit për zgjedhjen e këshillit të bashkisë Elbasan, qarku Elbasan, projekt- vendimin për nxjerrjen e rezultatit të votimit për zgjedhjen e kryetarit të bashkisë Korcë, qarku Korcë, projekt- vendimin për nxjerrjen e rezultatit të votimit për zgjedhjen e këshillit të bashkisë Korçë, qarku Korcë, për zgjedhjet për organet e qeverisjes vendore të datës 21.06.2015”.
