Prokuroria e Përgjithshme dhe Komisioni Qendror i Zgjedhjeve kanë nënshkruar një marrëveshje që konsiston në mbarëvajtjen e procesit dhe kontrollit të kandidatëve për të shkuar kriminale.
Marrëveshja u nënshkruaditën e sotme ndërmjet kryeprokurorit Adriatik Llalla dhe kryetares së KQZ Lefteri Luzi.
Në fjalën e tij Llalla tha se do të punohet për hetim të plotë dhe në kohë reale të incidenteve gjatë zgjedhjeve, ndërsa shtoi se do të zbatohet praktikë e re për monitorimin e fushatës.
Kryeprokurori i kërkoi KQZ-së dhe vetë qytetarëve që të referojnë problemet në Prokurori.
“Zgjedhjet të lira e demokratike janë proces i rëndësishëm për jetën e një vendi prandaj e gjykojmë të rëndësishme që të gjithë institucionet të jenë të angazhuar për të garantuar proces të rregullt. Prokuroria ka krijuar një praktikë pune për monitorimin e fushatave zgjedhore, për më tepër gjatë ditëve të zgjedhjeve. Me qëllim për të evidentuar rastet e incidenteve të mundshme dhe për të vënë para përgjegjësisë individë që synojnë të cenojnë zgjedhjet. Hetim i plotë është tepër i rëndësishëm për funksionimin normal të shtetit dhe funksionimin e demokracisë në vend. Trupa e prokurorëve shqiptarë do të jenë të angazhuar për të hetuar në kohë reale çdo rast të referuar nga KQZ. Njëherazi Prokuroria kërkon nga KQZ, media qytetarët, institucionet, që në çdo rast të konstatimit të veprave penale në lidhje me sistemin zgjedhor t’i raportojnë. Vetëm me bashkëpunim do arrijmë zgjedhje të ndershme” , u shpreh Lllalla.
