Kryetari i Komisionit Qëndror të Zgjedhjeve Ilirjan Celibashi ka deklaruar zyrtarisht të gjithë emrat e kandidatëve që kanë fituar mandatin e deputetit në bazë të votave që kanë marrë.
Në një konferencë shtypi, Celibashi bëri me dije edhe disa të dhëna të tjera lidhur me procesin zgjedhor.
Kështu, ai ka bërë me dije edhe përqindjet e qytetarëve që dhënë votë preferenciale për kandidatët e partive që kanë votuar.
“Për PSD, vota e parapëlqyer në rang vendi është 78.48%, që kanë votuar edhe për kandidatë. Pjesa tjetër kanë votuar vetëm partinë. Për LSI, 76.23% kanë votë parapëlqyese. Për PD-AN janë 76.71% e votuesve që kanë dhënë votë parapëlqyese. Dhe për PS janë 74.75% e votuesve që kanë dhënë votë parapëlqyese për kandidatët e këtij subjekti zgjedhor. Nga nesër do të fillojmë me miratimin e tabelave të rezultateve për çdo qark për partitë politike dhe për kandidatët”, deklaroi ndër të tjera kryetari i KQZ Ilirjan Celibashi.
/a.r
