Kreu i KQZ-së Klement Zguri në një dalje për mediat ka komentuar aktet e institucionit që përfaqëson pak para zgjedhjeve lokale në vend. Sipas Zgurit, të tre aktet i shërbejnë objektivit për rritjen e transparencës së fushatave gjatë zgjedhjeve.
“Të tre aktet i shërbejnë objektitvit për rritjen e transparencës së fushatave, si të tilla ata marrin rëndësi të veçantë se përfaqësojnë një copë të mirë reforme. Ne jemi të bindur se zgjedhjet që vijnë synojnë përmirësim, sa i përket financimit dhe transparencës financiare.
Nga zbatimi i këtyre akteve presim më shumë ligjshmëri. Në zgjedhjet e ardhshme ligjore, kjo do të thotë më shumë transparencë më pak informalitet, të tre aktet u bënë pas një punë itensive të KQZ në mbështetje me ndërkombëtaret dhe ekspertët.
Indentifikimin e metodologjive që mund të përshtaten në vendin tonë. Prandaj unë dua sot përmes kësaj deklarate publike të falënderoj parterët ndërkombëtar.”- shpreh ai.
Kreu i KQZ-së thekson se Reforma Zgjedhore nuk po shënon progres, por KQZ po rekomandon adresimet e OSBE-së.
“Zgjedhjet që vijnë do të shënojnë përmirësim si financimit dhe transparencës dhe këtyre akteve që miratuam. Ne presim më shumë ligjshmëri nga partitë. Në zgjedhjet e ardhshme do të raportojnë edhe kryetarët e bashkive për financimet” tha ai.
Kohët e fundit në Shqipëri është rihapur debati për financimet, pasi hetimeve që prokuroria po bën për lobimet e PD-së në SHBA.
g.kosovari
