Komisioni Qendor i Zgjedhjeve ka marrë sot vendimin për përmbajtjen e fletës së votimit për zgjedhjet e 25 Prillit.
Komisioneri Ilirian Celibashi ka njoftuar se në fletën e votimi do të jenë dhe emrat e të gjithë kandidatëve. Sipas Celibashit ku është një nga variantet më të mira.
Celibashi gjatë mbledhjes ka publikuar dhe formatin e fletës së votimit dhe shpjegoi se përmasa e fletës do të jetë e ndryshme për çdo qark në varësi të numrit të kandidatëve.
Formati i fletës së votimit ku në brendësi do të ketë dhe emrat e kandidatëve është kërkuar nga Partia Demokratike, ndërsa Partia Socialiste ka kërkuar që fleta të kishte vetëm numrat e kandidatëve.
PS mund të ankimojë këtë vendim që është marrë sot nga KQZ dhe vendimi përfundimtar mund të merret nga Kolegji Zgjedhor, si organi më i lartë vendimmarrës për zgjedhjet.
/a.r
