Komisioni Qendror i Zgjedhjeve ka përcaktuar zyrtarisht renditjen e subjekteve politike në fletëvotim për zgjedhjet parlamentare të 7 qershorit.
Nga partitë kryesore, pas tërheqjes së shortit, Lidhja Demokratike e Kosovës ka marrë numrin 113, Lëvizja Vetëvendosje do të garojë me numrin 116, njëjtë sikurse në zgjedhjet e 28 dhjetorit, Partia Demokratike e Kosovës mban numrin 125, ndërsa Aleanca për Ardhmërinë e Kosovës dhe Partia Socialdemokrate do të radhiten përkatësisht me numrat 128 dhe 129.
Në këtë proces zgjedhor, ku do të vendoset për 120 ulëset e Kuvendit të Kosovës, garës i janë futur gjithsej 23 subjekte politike të cilat përfaqësohen nga 917 kandidatë për deputetë.
