Komisioni Qendror i Zgjedhjeve ka certifikuar rezultatin e zgjedhjeve të 7 qershorit, duke i hapur kështu rrugë formimit të institucioneve.
Në mbledhjen e KQZ-së, rezultatet u certifikuan me votë unanime.
Pas certifikimit, Kuvendi duhet të mblidhet brenda 30 ditësh për seancën konstituive.
Në zgjedhjet e 7 qershorit, Lëvizja Vetëvendosje siguroi 53 ulëse në Kuvend me 47.13 për qind të votave.
Partia Demokratike e Kosovës doli e dyta me 22 ulëse apo 19.44 për qind
Lidhja Demokratike e Kosovës ka marrë 18 ulëse me 16.69 për qind, ndërsa Aleanca për Ardhmërinë e Kosovës ka marrë shtatë ulëse me 6.74 për qind.
Kushtetuta parasheh që pas certifikimit, seanca konstituive duhet të mbahet brenda 30 ditësh.
Aty duhet të zgjidhet kryetari i Kuvendit dhe nënkryetarët, e më pas mund të vazhdohet me procedura për formim të Qeverisë dhe zgjedhjes së presidentit.
E politikanë dhe njohës të çështjeve ligjore kanë dhënë interpretime të ndryshme se si duhet të vazhdohet fillimisht me presidentin apo me Qeverinë.
Seanca konstituive duhet të thirret nga ushtruesja e detyrës së presidentit, Albulena Haxhiu.
