Trupi gjykues i Kolegjit të Posaçëm të Apelimit ka ndryshuar vendimin e Komisionit të Pavarur të Kualifikimit (KPK) lidhur me rivlerësimin e gjyqtarit Altin Abdiu, duke e konfirmuar atë në detyrë.
Në seancën e zhvilluar më 27 maj 2025, trupi gjykues i përbërë nga Ina Rama , Sokol Çomo, Albana Shtylla, Natasha Mulaj dhe Rezarta Schuetz, shqyrtoi ankimin e Abdiut kundër vendimit nr. 543 të datës 28 qershor 2022, me të cilin KPK kishte vendosur më parë për subjektin.
Pas debatit në dhomë këshillimi dhe në bazë të nenit 66, pika 1, germa “b” të ligjit nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash u vendos ndryshimi i vendimit të KPK-së dhe konfirmimi në detyrë i Abdiut.
Ky vendim i Kolegjit është përfundimtar dhe ka efekt të menjëhershëm.
Njoftimi për shtyp:
Trupi gjykues i Kolegjit të Posaçëm të Apelimit, i përbërë nga Ina Rama kryesuese, Sokol Çomo relator, Albana Shtylla, Natasha Mulaj, Rezarta Schuetz anëtare, shpalli vendimin për çështjen nr. 38/2022, datë 06.09.2022, që i përket ankimit të subjektit të rivlerësimit Altin Abdiu kundër vendimit të Komisionit të Pavarur të Kualifikimit nr. 543, datë 28.06.2022. Në përfundim të gjykimit në dhomë këshillimi, trupi gjykues, bazuar në nenin 66, pika 1, germa “b” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi: Ndryshimin e vendimit nr. 543, datë 28.06.2022 të Komisionit të Pavarur të Kualifikimit dhe konfirmimin në detyrë të subjektit të rivlerësimit Altin Abdiu. Ky vendim është përfundimtar dhe ka efekt të menjëhershëm. U shpall sot, në Tiranë, më datë 27.05.2025.
