Për Kovacicin, Ronaldo duhet ta fitojë sërish “Topin e Artë”. Si zakonisht, gara për “Topin e Artë” pritet të jetë mes Lionel Messit dhe Cristiano Ronaldos, që do të dhurohet të enjten, shkruan Gazeta Express.
Ronaldo pritet t’i bashkohet Messit me pesë “Topa të Artë” dhe Mateo Kovacic thotë se do të jetë mëse e merituar, pas suksesit me Realin në La Liga, Champions League, Superkupë të Spanjës e atë të Evropës. “Ai është lojtari më i mirë në botë.
Mendoj se duhet ta fitojë Topin e Artë sepse ka pasur një vit të mrekullueshëm. Ka shënuar shumë gola, ka fituar gjithçka me ekipin dhe ka qenë çelësi i këtij triumfi”, tha Kovacic.
“Jam me të vërtetë i lumtur për të, të gjithë jemi.
Topi i Artë është i rëndësishëm për ne dhe për Cristianon sepse mund të fitojë për herë të pestë, por gjëja më e rëndësishëm është ekipi, të fitojmë si skuadër”, shtoi kroati, përgatiti “Gazeta Express”. (b.an)
