Duket se vizita e Federica Mogherini në Ballkan javën e kaluar, nuk ka kaluar kaq e qetë dhe me deklarata formale.
Të paktën kështu është shprehur Ministri i Jashtëm i Greqisë Niko Kotzias, i cili ka treguar të pathënat nga diskutimi i Ministrave të jashtëm të BE-së në Parlamentin Europian.
Duke folur për newsbomb.gr, Ministri Kotzias, i ka dhënë një “shuplakë” Shqipërisë, e cila sipas tij e sheh BE-në vetëm si një kapital financiar dhe jo si një tempull të demokracisë dhe vlerave që mbart.
Sipas tij, atmosfera e paraqitur deri më tani nuk është ajo që qarkullon në korridoret e Brukselit, ku thuhet se ka shumë kritika dhe rezerva ndaj Shqipërisë dhe Maqedonisë.
Kotzias tha se Këshilli Europian po e trajton me shumë shqetësim situatën politike të krijuar në Maqedoni dhe në Shqipëri.
“Nuk është e lejueshme që shtet që ndodhen në veriun tonë, demokracia të mos funksionojë”. ka thënë ai duke iu referuar jo vetëm krizës politike që ka përfshirë të dyja vendet, por edhe prioritetet e kërkuara nga ana e BE-së për Shqipërinë dhe Maqedoninë.
Madje shefi i diplomacisë greke deklaroi se disa nga anëtarët e BE-së kërkojë nga nga Greqia e cila është gjithashtu e shqetësuar për të dy shtetet, të tentojë lehtësimin e këtyre problemeve dhe tensioneve duke u tërhequr nga disa prej qëndrimeve të veta./b.d
