Homologët Kotzias dhe Bushati dolën sot në një konferencë të përbashkët për shtyp, duke theksuar se janë të gatshëm për të thelluar bashkëpunimin për proceset integruese.
Në fjalën e tij Bushati theksoi se ka pasur një bisedë të sinqertë dhe të ngrohtë me ministrin Nikos Kotzias. Sipas tij, edhe vizita e homologut grek në Kosovë është një afrim me këtë të fundit.
Ndërkohë, Nikos Kotzias tha se Shqipëria duhet të jetë pjesë e projekteve.
“Shqipëria është pjesë e Europës dhe Ballkanit dhe një partner strategjik” – tha Kotzias. Ndër të tjera ai tha se shqiptarët janë studentë të shkëlqyer dhe se shqiptarët janë njerëz të kulturuar.
Ai tha se janë nënshkruar tre marrëveshje sot me ministrin Bushati, ndërsa theksoi se do të firmoset edhe një memorandum i ri për miqësinë Shqipëri – Greqi.
