Ministria e Mbrojtjes e Ukrainës ka publikuar raportin e saj ditor mbi konfliktin. Forcat ruse kanë humbur 88 avionë dhe helikopterë që nga fillimi i luftës. Një numër pilotësh rusë janë kapur Forcat e armatosura të Ukrainës vazhdojnë të mbrojnë qytetin port të madh të Mariupolit në juglindje.
Një “sasi e konsiderueshme” e armatimeve ruse u kap në rajonin e Mykolaiv – në jug, afër Odesa Ushtarët rusë janë “demoralizuar” nga forca e rezistencës ukrainase, shkruan ministria e Mbrojtjes.
Rusia ka dhënë pak detaje për humbjet e pësuar nga forcat e saj në Ukrainë, por ekspertët ushtarakë vlerësojnë se ajo është befasuar nga forca e rezistencës ukrainase dhe ka vuajtur probleme me linjat e furnizimit dhe moralin e trupave.
“Disa pilotë armiq që u katapultuan dhe mbijetuan u gjetën nga ushtarët ukrainas. Ata kanë marrë trajtim mjekësor dhe tashmë po dëshmojnë për krimet e regjimit të Putinit kundër njerëzimit”, thuhet në raport.
Për shkak të rezistencës së të gjithë popullit ukrainas, trupat ruse janë “demoralizuar” me “gjendje morale dhe psikologjike jashtëzakonisht të ulët… për shkak të vetëdijes për gjendjen reale të punëve”, tha shtabi i përgjithshëm i Forcave të Armatosura të Ukrainës.
/a.r
