Vetëvendosje proteston kundër korrigjimit të territoreve. Lëvizja Vetëvendosje do të mbajë një protestë paqësore me moton “Një popull s’i nënshtrohet një njeriu”.
VV ka akuzuar presidentin Thaçi se po dëshiron t’ia japë Serbisë edhe Ujmanin e Trepçën, gjë që siç kanë thënë ata nuk mund ta lejojnë.
“Protesta e sheshi bëhen hapësirat e vetme dhe të domosdoshme për të shprehur bindjet dhe vullnetin tonë në mbrojtje të vendit”, thuhet në njoftimin e Vetëvendosjes.
Protestuesit do të nisen nga qytete të ndryshme drejt Prishtinës, duke filluar nga ora 10:00, për të cilët VV ka siguruar transport falas, citohet Telegraf. (b.an)
