Katër raste të reja me koronavirus janë identifikuar sot në Kosovë, duke e çuar numrin e të prekurve në 855.
Lajmi është bërë i ditur nga Instituti Kombëtar i Shëndetësisë Publike të Kosovës. Sipas të dhënave të ISHPK deri më tani në Kosovë, 403 janë shëruar edhe 25 kanë vdekur si pasojë e koronavirusit.
Sot janë testuar gjithsej 254 mostra të marra nga Klinika Infektive, gjurmimi i kontakteve të rasteve në terren, prej tyre me COVID-19 kanë rezultuar katër raste. “Rastet pozitive janë raste kontakti nga komuna e Mitrovicës 2 raste (sipas vendbanimit: 2 raste Rekë) dhe me nga një rast vendbanimet Rahovec dhe Zhur-Prizren”, njofton IKSHPK.
