Kryetari i Kuvendit të Kosovës, njëherësh kryetar i PDK-së, Kadri Veseli ka thënë se do të jetë në garë edhe për një mandat në krye të PDK-së dhe do të garoj edhe për kryeministër të Kosovës.
Veseli, në “Debat Plus” me Ermal Pandurin në RTV Dukagjini, ka thënë se në garë për kreun e PDK-së dëshiron të ketë kundër kandidatë të vërtet e jo fiktiv.
“Besoj se do të kem edhe kundër kandidatë, por jo vetëm për të kënaqur demokracinë e për të manipuluar. Nëse ka kundër kandidatë, le të jetë një opsion i vërtet. Ftojë dhe inkurajojë kolegët e mi në PDK, ejani të bëhemi bashkë dhe t’i bëjmë shembull zgjedhjet në PDK”.
“…Kuvendi i PDK-së mund të vendos edhe për zgjidhjen time me aklamacion. Por, unë po flas për një proces paraprak ku duhet të ketë kandidatë dhe garë për kryetar. Nuk pranoj të kem në garë një kandidatë vetëm sa për mashtrim”, tha Veseli, përcjell Telegrafi.Kryetari i PDK-së ka thënë se në zgjedhjet e ardhshme ai do të jetë kandidatë për kryeministër dhe se PDK do të shkojë e vetme në zgjedhje.
“Po në emër të Zotit, do të kandidoj për kryeministër dhe s’ka alternativë tjetër. Do të shkojmë vetëm, më një platformë shumë të qartë. Me një platformë të qendrës së djathtë drejt konservatorizmit”, tha ndër të tjera Kadri Veseli, përgatiti ”Telegrafi”. (b.an)
