Ministrat e Jashtëm të NATO-s, po diskutojnë tensionet në Ballkanin Perëndimor, mes thirrjeve për shtimin e pranisë ushtarake të aleancës për shkak të shqetësimeve se situata e pazgjidhur mes Kosovës dhe Serbisë mund të rrisë paqëndrueshmërinë në rajon.
Nisur dhe nga sulmi i fundit ndaj Policisë së Kosovës,ministrat e Jashtëm thanë se aleanca do të shqyrtojë shtimin e pranisë afatgjatë në rajon. Stoltenberg tha se NATO do të bëjë gjithçka që është e nevojshme që të ruajë stabilitetin në rajon.
“Të jeni të sigurt se NATO do të bëjë gjithçka të nevojshme për të mbështetur dhe siguruar qëndrueshmërinë në rajon, sepse kjo është e rëndësishme jo vetëm për Ballkanin Perëndimor, por edhe për të gjithë Evropën dhe NATO-n”, tha sekretari Stoltenberg, i cili bashkë me sekretarin amerikan të Shtetit Antony Blinken vunë theksin te qëndrueshmëria në Ballkan.
Ne takimin e zhvilluar mes Sekretarit të Përgjithshëm të NATO-s Stoltenverg dhe Sekretarit Amerikan të Shtetit Antony Blinken u nda shqetësimi për rritjen e tensioneve, duke iu referuar veçanërisht retorikës nxitëse në Bosnje dhe tensioneve mes Kosovës dhe Serbisë, përfshirë sulmin e 24 shtatorit në Banjskë dhe dhunën ndaj forcave paqeruajtëse të aleancës.
Edhe pse ka ndodhur VONESA në kët drejtim , mund t’bëhet një instalim më i fuqishëm i bashkësisë ndërkombëtare, por lehtësira më e sakt do ishte që t’i jipej BESIMI dhe këshillimi i VENDORËVE, forcës së sigurisë së tyre kuptohet se ata janë vendor dhe njohes të situatës, mentalitetit të njerëzëve. Nuk dyshoj për asgjë tjetër veç se t’flitet matanë ,, shpatit”nuk arrihet qetsi- paqë e instaluar. Në shumë raste ,, FORCA- DETYRIMI “ka treguar instalim paqe, prendej edhe në kët rajon të ballkanit përendimor është e domosdoshme, sepse fijet e destabilizimit vijnë nga larg , kuptohet se prej nga.