EULEX-i ka bërë punën e duhur por nuk mund të bëjë shumë i vetëm. Kështu u shpreh përfaqësuesja e lartë e BE-së për Kosovë, Natalya Apostolova.
Ajo në Rubikon të KTV-së theksoi se është e tepër që të fajësohet EULEX-i për dështimin e disa lëndëve gjyqësore, transmeton Koha.net.
“Nëse dini si zhvillohet procedura gjyqësore, e kuptoni se EULEX nuk mund të bëjë aq shumë i vetëm. Është e tepërt të fajësohet EULEX-i për dështimin e disa lëndëve që nuk u përfunduan ndonjëherë.
EULEX ka bërë punën e vet. Prandaj ritheksoj: faji nuk u duhet lënë ndërkombëtarëve që po përpiqen të ofrojnë proces transparent e ta shpejtojnë atë”, ka thënë ajo. (b.an)
