16 milion e 123 mije euro është vlera totale e sekuestrimit të pasurisë jo legale që Koordinatori Kombëtar për Krime Ekonomike e ka bërë vetëm gjatë gjashtëmujorit të parë të këtij viti. Në këto sekuestrime hynë para, objekte, vetura, lokale, patundshmëri dhe gjësende të tjera. Dy raportet e Koordinatorit Kombëtar për Krime Ekonomike të cilat i posedon “Zeri” e që përfshinë periudhën janar – mars 2015, dhe prill – qershor 2015, kanë treguar për punën e këtij organi i cili funksionon në kuadër të Këshillit Prokurorial të Kosovës.
“Gjatë periudhës janar – mars 2015 është arritur të sekuestrohet dhe të ngrihet një pasuri prej 7 milion e 221 mije e 60 euro. Të sekuestruara janë 271 mije e 60 euro, një banesë, një veturë, ndërsa të ngrira janë 14 objekte ,6 vetura, 14.500 metër katrorë tokë dhe 82 asete të tjera, të konfiskuara janë 64 mije e 487 euro”, thuhet në raport.
