Ambasadori amerikan në Prishtinë, Greg Delawie, i cili po merr pjesë në tryezën “Lufta kundër korrupsionit politik: Sfidat në funksion të reformave të ardhshme”, të organizuar nga Grupi për Studime Juridike Politike (GSJP), tha në panelin e sotshëm se nuk e ka ndërmend të kërkojë falje për dënimin e përdorimit të dhunës dhe për mbështetjen e demokracisë.
“Më vjen mirë që jetoj në një vend si Kosova ku liria e fjalës sigurohet me Kushtetutë. Nuk kërkoj falje për mbështetjen e drejtësisë dhe nuk përkrahi asnjëherë gazin lotsjellës dhe dhunën në Kuvend”, tha ambasadori Delawie. “Unë besoj se korrupsioni është problem madhor dhe gjymton moralin e qytetarëve. Korrupsioni gërryen të tashmen dhe të ardhmen e Kosovës. Prokurorët dhe gjyqtarët duhet të punojnë shumë që të fitojnë besimin e qytetarëve”, tha ndër të tjera ai
Kosovë, Delawie: Nuk kërkoj falje, nuk do ta përkrah dhunën në Kuvend
