Takimet nisën me Presidentin Thaçi, për të vazhduar me kryeparlamentarin Veseli e kryeministrin Mustafa. Përfaqësuesja e Lartë e BE-së do të takohet edhe me udhëheqësit e partive politike. Ndërsa pas takimeve, ajo do ta vizitojë edhe qytetin e Mitrovicës. Vizita e Mogherinit në Kosovë, realizohet në kudër të turneut të saj në Ballkan, e cila më parë ka Vizituar Shkupin, Beogradin dhe Tiranën.
Mogherini takon Mustafën
Përfaqësuesja e Lartë e Bashkimit Evropian për Politikë të Jashtme dhe Siguri, Federica Mogherini e ka bërë të qartë mesazhin e saj nga BE-ja. Ajo ka thënë se nuk ka viza pa ratifikim të demarkacionit. Sipas Mogherinit, luftimi i korrupsionit si parakusht për liberalizim ka rezultate ndërsa e ka quajtur lajm të keq mosratifikimin e demarkacionit.
“Ballkani po i ekspozohet tensioneve dhe BE-ja ka interes që të vazhdohet në mënyrë konsistente rruga në Bashkimin Evropian. Sot diskutuam rëndësinë dhe mbështetjen ndaj Kosovës, shtegtimin për BE dhe arritjen e Kosovës në MSA. Sa i përket liberalizimit të vizave, janë dy kushte që duhet të plotësohen. Përmirësimi i luftimit të korrupsionit dhe ratifikimi i demarkacionit. Në të parin ka progres, në të dytin fatkeqësisht jo.Dua të ua bëj të qartë se është koha e fundit që ta ratifikoni demarkacionin dhe të zhbllokoni punën për vizat” ka thënë Mogherini.
Thaçi: Mogherini përkrah Kosovën në integrimin evropian dhe liberalizimin e vizave
Presidenti Hashim Thaçi, pas takimit me Përfaqësuesen e Lartë të Bashkimit Europian, Federica Mogherini, ka thënë se mesazhet e saj i japin Kosovës përkrahje për procesin e integrimit europian.
“Kosova është shteti më pro-evropian në rajon dhe mesazhet e Përfaqësueses së Lartë, Mogherini, i japin përkrahje procesit të integrimit evropian në përgjithësi, por edhe hapave konkretë e të menjëhershëm, si liberalizimin e vizave”, ka thënë Thaço, përmes një postimi në Facebook.
“Kosova dhe rajoni kemi sfida të ndryshme, por kemi aspiratë dhe prioritete të njëjta – zhvillimin dhe anëtarësimin në Bashkimin Evropian”. “Vizita e Përfaqësueses së Lartë, Mogherini, është konfirmim se Bashkimi Evropian është i përkushtuar që edhe Ballkani Perëndimor të bëhet pjesë e unionit”, është shprehur Thaçi.
