Dy shtetas kosovarë janë përfshirë në një incident të rëndë në Zvicër. Skena si në filma të “Hollywood-“it i përshkruan ato që kanë ndodhur natën e mbrëmshme mediumi zviceran “Blick”, transmeton “Zeri.info”. Pak para orës 4.00 të mëngjesit kosovari që po udhëtonte me makinën e tij plagosi më armë zjarri një person tjetër e që poashtu dyshohet se është shtetas i Kosovës.
I plagosuri kishte arritur të largohet nga vendi i ngjarjes, mirëpo pas pak minutash në me të autostradës vetura e tij kishte filluar të përfshihet nga flakët.
Policia zvicerane ka njoftuar se i plagosuri kishte njoftuar organet e rendit dhe se kishte pësuar edhe disa lëndime trupore. Pak kohë më pas policia kishte arritur të arrestonte edhe autorin.
Një patrullë e policisë i kishte rënë në gjurmë kosovarit dhe në veturën e e tipit Audi është gjetur edhe një revole. Organet e rendit njoftojnë se kosovari tashmë është në arrest dhe se ai ishte me banim permanent në kantonin e Cyrihut.
Rrethanet e sakta të kësaj ngjarje ende nuk dihen. Policia zviceran njofton se tashmë kanë nisur hetimet për tentim vrasje dhe rrezik të jetës ndaj kosovarit, citohet Zëri.
