Programi për Vlerësimin Ndërkombëtar të Nxënësve, i njohur si PISA, i ka publikuar sot rezultatet e plota të testimit të nxënësve nga arsimimi fillor dhe i mesëm, me Kosovën që është renditur shumë poshtë, pothuajse e fundit.
Kosova është renditur si e 68-ta në shkencë, dy vende më mirë se vendi i fundit, që zihet nga Republika Dominikane, 70, transmeton Express.
Në lexim, Kosova renditet e parafundit, e 69-ta, me Libanin e 70-ta. Si në dy fushat e lartpërmendura, edhe në matematikë, Kosova renditet si është më së keqi, e 68-ta, dy vende më lartë se i fundit, Republika Dominikane që është e 70-ta.
PISA i teston nxënësit e moshës 15-vjeçare çdo tri vite nga 72 vende te botës. (b.an)
