Klubi Alpin Prishtina ka njoftuar se ka nisur zyrtarisht përgatitjet organizative, teknike dhe psiko-fizike për Ekspeditën e Pushtimit të Mount Everest, majës më të lartë në botë, që do të realizohet në fillim të vitit 2017. Sipas njoftimit nga ky klub, ekspedita do t’i kushtohet Nënës Terezë dhe shtetit të ri të Kosovës dhe është organizuar nga katër alpinistë të K.A.P.
Për këtë ekspeditë, presidentja e vendit, Atifete Jahjaga dhe institucionet tjera të vendit, kanë shprehur përkrahje të fuqishme, sipas njoftimit të Klubit Alpin Prishtina.
Klubi po ashtu ka pranuar flamurin shtetëror nga Jahjaga, që është zotuar në përkrahjen zyrtare të ekspeditës deri në realizimin përfundimtar të saj.
K.A.P ka falënderuar edhe alpinistët shqiptarë Aleksandër Bojaxhiu dhe Gjergj Bojaxhiun që më parë kishin pushtuar Everestin, për përkrahjen në përgatitje. Në fund, K.A.P ka ftuar edhe dashamirët që të përkrahin në të gjitha mënyrat ekspeditën për Pushtimin e Everestit 2017.
