Kosova ka realizuar gol ndaj Çekisë me Atdhe Nuhiun!
Një super gol me kokë dhe tashmë skuadra e Challandes i afrohet ëndrrës së madhe Euro 2020.
Skuadra e “Dardanëve” po vuante 45′ e para, por tani ky gol i çliron shumë.
Kosova luan ndaj Çekisë në transfertë, një ndeshje e cila mund të konsiderohet edhe si finale nisur nga pozitat në grup të dyja ekipeve.
Dardanët janë vetëm një pikë larg çekëve dhe një sukses në mbrëmjen e sotme do të ishte një hap i madh drejt finaleve të Euro 2020.
Sa i përket formacionit, trajneri i Kosovës, Bernard Shaland vuan mungesën e Vedat Muriqit, teksa e ka zëvendësuar me sulmuesin Atdhe Nuhiu. Ndërkohë, vendin e Shalës në mesfushë i cili gjithashtu është i padisponueshëm, e ka zënë Rashkaj.
Një fanellë titullari për Dardanët i është rezervuar edhe Celinës. Sakaq, në kampin kundërshtar mungesa më e madhe është ajo e sulmuesit kryesor Patrik Shik.
