Halim Kosova, kandidat i së djathtës për Tiranën, zhvilloi pasditen e së martës një takim me banorët e rrugës “Riza Cerova”.
Gjatë takimit ai theksoi se do ta kthejë kryeqytetin në një vend të shëndetshëm për qytetarët.
“Brenda Tiranës janë përllogaritur 40 mijë metra katror gjelbërim. E gjithë puna ime në krye të Bashkisë është çfarë do të bëjmë për ta shndërruar qytetin tonë në një qytet të shëndetshëm. Do ju kërkoj që të gjithë bashkë të mbikëqyrim çdo projekt të bashkisë nesër” – ka thënë Kosova.
Ai tha se i vetmi dyqan që do të falimentojë në Tiranë, janë ata që shesin valixhe dhe çanta pasi nga zgjedhja e tij në krye të Bashkisë e tutje nuk do të ketë më arsye për shqiptarët që të largohen.
