Kryeministri ende në detyrë i Kosovës, Ramush Haradinaj, i ka bërë një thirrje të fortë Serbisë, duke i kërkuar të ndalë armatosjen me pajisje ushtarake nga Rusia dhe Kina.
Përmes një postimi në rrjetin e tij social “Facebook”, Haradinaj shkruan se armatosja e Serbisë është kërcënim i drejtpërdrejtë për Kosovën, paqen e brishtë në rajon, si dhe perspektivën Euro-Atlantike.
“Armatosja e vazhdueshme e Serbisë me pajisje ushtarake nga Rusia dhe Kina (Pancirë, Sisteme të Mbrojtjes Ajrore, Dronë etj) është kërcënim i drejtpërdrejtë për Kosovën, paqen e brishtë në rajon, si dhe perspektivën Euro-Atlantike. Serbia duhet ta ndalë këtë çmenduri para se të bëhet vonë!”, shkruan Haradinaj.
/a.r
