Në javën e parë të muajit maj do të krijohen rrethana ligjore që do t’ia mundësojnë Gjykatës Speciale të nisë ndjekjen dhe gjykimin e personave që pretendohet t’i kenë kryer krimet që senatori Dick Marty i ka listuar në një raport, i cili gjashtë vjet më parë ka marrë edhe vulën e Këshillit të Evropës, shkruan Koha Ditore. Kjo, shkaku i një vendimmarrjeje që ka ndodhur në Speciale.
Gjykata ka miratuar Rregulloren e Procedurës dhe të Provave, në mungesë të të cilit dokument nuk janë shpallur deri tash aktakuzat e para.
Rregullorja i është nënshtruar edhe kontrollit kushtetues, pas të cilit shqyrtim do të hyjë në fuqi. Lajmin për këtë e ka konfirmuar të martën vetë Specialja nëpërmjet një komunikate shtypi. (b.an)










