Në këto prag festash, Kosova po përballet me ndërprerje të furnizimit me energji elektrike, me qytetaret e bizneset qe kane pasur ankesa te shumta.
Ministrja e Ekonomisë Artane Rizvanolli kërkoi nga kompania publike KOSTT dhe KEDS angazhim maksimal për furnizim të rregullt me energji elektrike dhe adresimin e problemeve në rrjetin energjetik.
Por sipas drejtuesit të Operatorit të Sistemit të Transmisionit dhe Tregut, KOSTT ndërprerjet e energjisë elektrike po ndodhin për shkak të mbingarkesës në rrjet si pasojë e rritjes së konsumit e jo për shkak të mungesës së energjisë.
Në një deklaratë pas takimit me Rizvanollin ai tha se nuk ka mungesë të energjisë dhe se problemi është i përkohshëm. Më herët Kryeministri Albin Kurti u bëri thirrje qytetarëve që nga ora 18 e deri në mesnatë të racionalizojnë konsumin e energjisë.
