Dështimi i Kosovës për anëtarësim në Këshillin e Evropës sot duhet t’i faturohet kryeministrit Albin Kurti, ka deklaruar kryetari i Aleancës për Ardhmërinë e Kosovës (AAK), Ramush Haradinaj.
Sipas Haradinajt, “eksperimentet e Kurtit jo vetëm që e kanë dëmtuar imazhin e vendit, por po e dobësojnë edhe subjektivitetin e shtetit”.
“Mospërfshirja e Kosovës për votim në Këshillin e Ministrave, është dështimi më i madh i Kosovës në arenën ndërkombëtare. Ky dështim i faturohet një njeriu e ai është, Albin Kurti. Eksperimentet e tij, jo vetëm që e kanë dëmtuar rëndë imazhin e vendit, por po e dobësojnë edhe subjektivitetin e shtetit”, shkroi Haradinaj në Facebook.
Sot Kosova ka dështuar të jetë pjesë e agjendës së mbledhjes së Komitetit të Ministrave në Strasburg.
Kryesuesja e deritanishme e Komitetit të Ministrave të Këshillit të Evropës, Dominique Hasler, tha se ky komitet po shqyrton se si të procedojë për pranimin e Kosovës në këtë organizatë./m.j
Or zoteri pse kritikoni njeri tjetrin ne vend qe te bashkepunoni ,gabimi nuk eshte tek Albini por tek qeverite meparshme te Kosoves qe nenshkruajte mareveshtjet pa i lexuar dhe sot paguani denimet,perendimi nuk don popullate muslimane ne asnji aliance ose anetaresim te BE fati i keq i Shqipetareve qe zoti na krijoj ne mes te armiqeve ne Ballkan ku sejcili mundohet si te na zhdukin ose te na shfrytezojne dhe jo qe te jetojme se bashku.