Të paktën 3 persona kanë ndërruar jetë në 24 orët e fundit në Kosovë si shkak i koronavirusit.
Ndërkohë përveç 3 viktima, në Kosovë janë rregjistruar në total brenda 24 orëve të fundit edhe 101 raste të reja me Covid-19, por lajmi i mirë ëshëtë se edhe 3 persona të tjerë janë shëruar plotësisht nga virusi.
“Në Klinikën Infektive të Qendrës Klinike Universitare të Kosovës, sot me 26.06.2020, janë të hospitalizuar 101 raste. Sot, nga klinika do të lirohen 16 raste, 13 raste Covid-19 pozitiv në gjendje stabile në vetizolim në shtëpi si dhe 3 të shëruar nga infeksioni me Covid -19. 44 raste janë duke u trajtuar në reparte me oksigjenoterapi dhe përkujdesje intensive. Në repartin e Mjekimit Intensiv janë duke u trajtuar 5 raste, 2 raste janë në gjendje të rëndë duke u trajtuar me oksigjenoterapi dhe përkujdesje intensive, si dhe 3 raste janë në gjendje kritike me frymëmarrje të asistuar me respiratorë. Dje, në Klinikën Infektive ka ndërruar jetë pacientja H.B. 1958 nga komuna e Prizrenit dhe sot në orët e mëngjesit ka ndërruar jetë pacienti A.M. 1964 nga komuna e Rahovecit, të cilët veç infeksionit me Covid-19 kishin edhe sëmundje shoqëruese. Poashtu, sot në orën 10:30, ka vdekur pacienti me inicialet H.K, viti i lindjes 1959 nga Prizreni, i cili eshte pranuar në Njesinë Intensive në Qendrën e Mjekësisë Sportive ( NjIQMS) me datë 23.06.2020, si transfer nga Klinika e Pulmologjisë, i konfirmuar me strisho pozitive për COVID-19.”- thuhet në njoftimin e QKUK-së.
Ndërkohë autoritetet vendase vijojnë me rregullat dhe masat për freninimin e virusit, por ditën e sotme Aeroporti i Prishtinës ka njoftuar se nga data 28 qershor do të rinisin normalisht fluturimet.
g.kosovari
