Ministri i Punëve të Brendshme në Kosovë Skënder Hyseni do të nënshkruaj të mërkurën një Memorandum Mirëkuptimi me drejtorin e Byrosë Federale të Hetimeve (FBI).
Ky nënshkrim po bëhet në kuadër të vizitave që është duke zhvilluar ministri Hyseni në Washington.
Deri më tani siç edhe thuhet në një komunikatë për media Hyseni ka takuar Marie Richards, zëvendës koordinatore për çështje rajonale e multilaterale në Byronë e Kundër-Terrorizmit, Tom Yazdgerdi, drejtor për Ballkan në Departamentin e Shtetit, Mark Koumans, nga zyra për Marrëdhënie Ndërkombëtare e Departamentit të Homeland Security, si dhe Kongresmenin, Eliot Engel.
