Kosova prezantohet mes 185 vendeve pjesëmarrëse në Panairin Ndërkombëtar të Turizmit “ITB Berlin”, që po mbahet në Berlin të Gjermanisë. Vlerat turistike dhe mundësitë për turizëm që ka vendi ynë po prezantohen në një stend të përbashkët nga Agjencia për Investime dhe Përkrahjen e Ndërmarrjeve në Kosovë (KIESA), dhe tetë operatorët turistikë vendas, transmeton Koha.net.
“Ky panair është një ndër pikëtakimet më të rëndësishme për tur-operatorët, pasi aty mund të lidhen kontrata me partneret e huaj njëherësh të njihen edhe me trendin e industrisë ndërkombëtare të turizmit.
Stenda e Kosovës po vizitohet nga vizitorë të shumtë të cilët po informohen me atë çka ofron vendi ynë si në kuadër të atraksioneve turistike ashtu edhe në aspektin kulturor e historik”, thuhet në komunikatën e MTI-së.
