Kosova është zyrtarisht këtë të hënë në zi kombëtare, në shenjë nderimi për Rreshterin e policisë Afrim Bunjaku i vrarë nga një grup kriminal në Banjske të veri të vendit, në orët e para të mëngjesit të së dielës.
Flamujt e të gjithë institucioneve në të gjithë vendin u ulën sot në gjysmështizë .
Gjatë ditës janë parashikuar edhe homazhet në nderim të figurës së efektivit Bunjaku.
Për të marrë pjesë në këto ceremoni do te udhëtoje drejt Prishtinës edhe Ministri për Europën dhe Punët e Jashtme Igli Hasani.
Shefi i diplomacisë shqiptare pritet të takohet edhe me homologen e Kosovës, Donika Gervalla, e po ashtu do të jetë i pranishëm në ceremonine mortore në orën 16:00 në fshatin Samadrexhë të Vushtrisë, aty ku do të prehet edhe i ndjeri Afrim Bunjaku.
Afrim Bunjaku dhe nje tjeter efektiv i policise kufitare u qëlluan mengjesin e së dieles teksa ishin në krye të detyres ne fshatin Banjske te Zvecanit nga nje grup kriminal me serbe te armatosur rendë.
Bunjaku humbi jeten menjehere ndersa kolegu i tij Alban Rashiti u plagos, por eshte jashte rrezikut.
Pas ketij sulmi kriminal, forcat e armatosura të përbëre nga serbe, të maskuar dhe të armatosur rëndë u futen në Manastirin e Banjskës.
Ata u rrethuan për orë të tëra nga forcat e policise se Kosovës dhe iu bë thirrje për dorëzim, gje të cilën e refuzuan.
Pas disa oresh tre prej tyre u vranë, disa u plagosën, ndersa 6 persona te tjere që kishin bashkepunuar me grupin e armatosur u arrestuan.
/a.r
