Përfaqësuesja e Kosovës do të përballet me përfaqësuesen e Shqipërisë në futbollin e femrave për raundin para të kualifikimeve për Botërorin 2019 që mbahet në Francë.
Në shortin e hedhur Kosova dhe Shqipëria janë në grupin e dytë, së bashku me Greqinë dhe Maltën.
Kështu do të zhvillohen 4 mini-turne, me dy ekipet e para të grupeve që do të kalojnë në rrethin tjetër, që është faza e grupeve në kualifikime, citohet Koha .
Turnetë parakualifikues zhvillohen nga 6 deri më 11 prill, në Shqipëri, Lituani, Gjeorgji dhe Ishujt Faro.
Ky është shorti i hedhur sot:
Grupi 1: Kazakistani, Estonia, Gjeorgjia, Letonia
Grupi 2: Greqia, Shqipëria, Malta, Kosova
Grupi 3: Izraeli, Moldavia, Lituania, Andorra
Grupi 4: Turqia, Ishujt Faroe, Mali i Zi, Luksemburgu
Short disi inkurajues për shqiptaret që të paktën të nxjerrin një ekip. (b.an)
