Kandidati i Partisë Demokratike për Bashkinë e Tiranës, Halim Kosova ka zhvilluar sot një bashkëbisedim me përfaqësues të shoqatës së taksistëve, ku premtoi se do të luftojë informalitetin.
“Ju me punë të ndershme dhe të lodhshme i ofroni jo vetëm të ardhura familjes por jeni taksapagues të rregullt në këtë qytet, pra kontribuoni edhe për Bashkinë e Tiranës. Jam këtu për t’ju dëgjuar, për çdo problem që ju keni. Nuk ka asgjë të keqe që zanatin tuaj ta trashëgoni edhe tek fëmijët tuaj”,tha Kosova në nisje.
Sipas tij, është informaliteti është shqetësimi kryesor për taksistët sot ndërsa premtoi ta luftojë në 4 vitet e ardhshme nëse do drejtojë Bashkinë e Tiranës.
“Informaliteti, unë do ta quaja korrupsioni është kryefjala që prish barazinë në treg, ofron shërbim të pakontrolluar. Unë jam i mendimit që biznesi juaj të përmirësohet vazhdimisht, nuk duhet të pajtoheni me realitetin”. tha ai
