Autoritetet vendase as formalisht nuk kanë filluar që t’i ndjekin procedurat për aplikim në Organizatën Botërore të Tregtisë (OBT), që më pas t’u hapet rruga drejt negociatave. Edhe përkundër vizitës të ministres së Tregtisë, Hykmete Bajrami, në mars të këtij viti për të filluar procedurat e anëtarësimit në këtë organizatë, asgjë tashmë tetë muaj nuk ka ndryshuar.
Përfaqësues në Ministrinë e Tregtisë thonë se vonesat që kanë shtyrë këtë proces kanë qenë angazhimi për negociatat e Marrëveshjes së Stabilizim-Asocimit, të Marrëveshjes për Tregti të Lirë me Turqinë, negociatat për shërbime në kuadër të CEFTA-s, të cilat, sipas tyre, këto projekte kanë qenë me prioritet.
