Përfaqësuesja e Kosovës, në basketboll, pas ndeshjeve eliminatore për Kampionatin Evropian, Eurobasket, pritet të bëjë ndryshime të mëdha.
Për ndeshjet parakualifikuese për Kampionatin Botëror “Kina 2019” Kosova, pritet të përforcohet me lojtarë të rinj.
Dy emrat të cilët janë përmendur edhe në të kaluarën Lis Shoshi dhe Erjon Kastrati, pritet të veshin fanellën e Kosovës.
Lajmin për Sportin Total, e ka konfirmuar anëtari i bordit të FBK-së, Arben Fetahu.
Përfaqësuesja e Kosovës, pritet të zhvillojë disa ndeshje miqësore para ndeshjeve parakualifikuese, citohet Koha.
Fetahu zbulon emrat e kundërshtarëve me të cilët do të luaj[ Kosova, gjatë muajit korrik.
Kosova do të ketë punë të vështirë në parakualifikimet e botërorit 2019 në basketboll pasi është në grupin C, bashkë me Maqedoninë dhe Estoninë. (b.an)
