Kosova është një ndër vendet që po përballet ashpër me virusin Corona, ku ditë pas dite po shënohen shifra të larta të të infektuarëve dhe viktimave. Për këtë shkak teksa situata nuk është asapak e qetë në vend, Qeveria e Kosovës ka nisur nisur negociatat me partnerët ndërkombëtarë që veprojnë në fushën e shëndetësisë si, UNICEF dhe OBSH për të siguruar vaksinën kundër Covid-19, në momentin kur një vaksinë e tillë prodhohet dhe kualifikohet për përdorim te njerëzit.
Ky lajm është bërë me dije nga zyrtarë të Ministrisë së Shëndetësisë në Kosovë.
Kujtojmë se prej fillimit të shpërthimit të pandmisë e deri më tani në mbarë botën janë duke u zhvilluar mbi 100 vaksina potenciale kundër Coronës. Por 21 vaksina prej tyre janë në fazën e provave klinike dhe të gjitha vendet po përpiqen t’i sigurojnë ato.
Por në një kohë që janë prej nga virusi mbi 200 shtete në botë, vendet më të vogla dhe të varfra po përpiqen të sigurojnë vaksinën përmes skemave të përbashkëta ndërkombëtare.
Sa i përket Kosovës për situatën e virusit, Zëdhënësi i Ministrinë së Shëndetësisë në Qeverinë e Kosovës, Faik Hoti, ka deklaruar se janë duke punuar në drejtim të sigurimit të vaksinës kundër COVID-19, në momentin kur ajo të zbulohet.
g.kosovari
