Që nga anëtarësimi në Bankën Evropiane për Rindërtim e Zhvillim, Kosova, për projekte të ndryshme ka marrë në formë huash 204 milionë, transmeton Koha.net.
Ministri i Financave Avdullah Hoti priti presidentin e BERZH-it Suma Chakrabarti, njofton kumtesa ministrore.
Në këtë takim, thotë kumtesa u bisedua për kontributin, marrëdhënie e mira ndërmjet Kosovës dhe BERZH-it si dhe vazhdimin e bashkëpunimit financiar ndërmjet dy institucioneve me theks të veçantë për implementimin e projekteve të cilat ndikojnë në zhvillimin ekonomik të Kosovës, transmeton Koha.net.
U diskutua, vazhdon kumtesa, edhe për mbështetjen nga BERZH-i për financimin e projekteve kapitale të Qeverisë, në veçanti për projektet infrastrukturore, në sektorin e transportit, ujitje dhe për zonat ekonomike si dhe mbështetja e skemës për garantimin e kredive.
Hoti e falënderoi Chakrabarti për gatishmërinë e institucionit që drejton për të ndihmuar Kosovën. (b.an)