• Kontakt
  • Kreu
  • Rreth Nesh
Thursday, November 19, 2026
  • Login
Javanews
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi
No Result
View All Result
Javanews
Home Kosova

Kosova i përgjigjet kritikave të ndërkombëtarëve, nismë e re për ndryshimin e Ligjit për Specialen, Kurti dhe PDK në një mendje

by A. Q
19/11/2026 19:25
Shperndaj ne FacebookShperndaj ne Twitter

Kosova do të ndërmarrë një nismë të re për ta ndryshuar Ligjin për Dhomat e Specializuara dhe Zyrën e Prokurorit të Specializuar, me seli në Hagë, pasi ndryshimet e tanishme në këtë ligj të vitit 2015 s’u miratuan mes kundërshtimeve të ashpra nga ndërkombëtarët.

Kryeministri i Kosovës, Albin Kurti, dhe Partia Demokratike e Kosovës (PDK) në opozitë u pajtuan për një nismë të re të enjten, në ditën kur votimi për ndryshimet e propozuara në këtë ligj, të cilat do t’ia kufizonin kompetencat kësaj gjykate, u shty për herë të dytë brenda ditësh.

Ndryshimet e miratuara në tetor u kthyen në Kuvend për rishqyrtim nga presidentja e vendit, Justina Shiroka Pula, me kërkesën e vetë iniciueses, PDK-së. Ato u miratuan pak javë pasi kjo gjykatë i dënoi në shkallë të parë katër ish-krerët e Ushtrisë Çlirimtare të Kosovës.

Kurti u takua më herët gjatë ditës me ushtruesen e detyrës së kryetares së PDK-së, Vlora Çitaku, për të diskutuar ndryshimet në Ligjin për Gjykatën Speciale. Ai kishte shprehur rezerva ndaj hyrjes në fuqi të ndryshimeve, të cilat kishin nxitur kundërshtime ndërkombëtare.

PDK-ja kishte kërkuar që ndryshimet të miratoheshin fillimisht dhe më pas, brenda dy javësh nga hyrja në fuqi e ligjit, të bëheshin ndryshime të tjera për të adresuar shqetësimet ndërkombëtare. Por, në fund, partia hoqi dorë nga kjo kërkesë.

Duke folur në një seancë të Kuvendit, Kurti tha se nuk dyshon “në qëllimin e mirë” të PDK-së për ta ndryshuar Ligjin, por shtoi se “nuk mjafton vetëm kjo – duhet të kemi sukses, duhet të dalim fitimtarë”.

“Për këtë na duhet një ligj, i cili nuk kthehet mbrapsht, nuk anulohet, por një ligj që ka efekt në realitet, në praktikë…”, tha Kurti.

Çitaku, duke folur më vonë në një konferencë për media, tha se me kryeministrin janë pajtuar për përmbajtjen e ligjit dhe për ndryshimet që duhen bërë në të.

“Dallimet kanë qenë tek procedura parlamentare. Si rezultat, sot u pajtuam edhe për rrugën që do ta ndjekim. Nismën e re ligjore menjëherë javën tjetër, me propozime tona konkrete dhe me propozimet e ekspertëve”, ka thënë Çitaku.

Kurti theksoi se pret që javën e ardhshme të dorëzohet një draft i ri për ligjin për Specialen, përmbajtja e të cilit duhet të hidhet në diskutim e më pas edhe në votim.

Ai bëri thirrje që përmbajtja e re të jetë në përputhje me kushtetutshmërinë dhe ligjshmërinë e Kosovës, “në mënyrë që të ndihmohet drejtësia”.

Ndryshimet kryesore, që përfundimisht dështuan të kalonin, synonin ngushtimin e juridiksionit të Gjykatës Speciale, duke e kufizuar atë kryesisht në pretendimet për trafikim organesh dhe në vrasje, torturë e trajtim mizor. Po ashtu, periudha kohore e juridiksionit do të kufizohej nga 1 korriku 1999 deri më 31 dhjetor 2000, ndërsa ai territorial vetëm në territorin e Kosovës.

Projektligji parashihte kufizimin e dënimit maksimal në 15 vjet burgim, si dhe mundësinë që të dënuarit t’i vuanin dënimet në Kosovë dhe të përfitonin nga falja presidenciale.

Rastet që do të mbeteshin jashtë juridiksionit të ri do të transferoheshin në sistemin e drejtësisë së Kosovës, bashkë me provat dhe dosjet përkatëse. Rastet në proces do të vazhdonin në apel në Hagë, ndërsa ndryshimet nuk nënkuptonin anulimin automatik të aktgjykimeve ekzistuese apo lirimin e të dënuarve.

Synimi për t’i kaluar këto ndryshime nxiti reagime nga ndërkombëtarët, me Bashkimin Evropian që tha se ato shkelnin zotimet ndërkombëtarë të Kosovës.

Kosova rrezikonte të shkelte zotimet e marra përmes shkëmbimit të letrave të prillit 2014 ndërmjet presidentes së atëhershme, Atifete Jahjaga, dhe shefes së BE-së, Catherine Ashton.

Përmes tyre, Kosova ishte zotuar që të konsultohej me Bashkimin Evropian për çdo ndryshim ligjor që prek mandatin ose procedurat e Dhomave të Specializuara, si dhe të garantonte vazhdimin e punës së Gjykatës dhe Zyrës së Prokurorit të Specializuar deri në përfundimin e hetimeve dhe procedurave përkatëse.

Këto zotime lidhen edhe me Nenin 162 të Kushtetutës së Kosovës, që përcakton bazën kushtetuese të Dhomave të Specializuara dhe juridiksionin ekskluziv të Dhomës së Specializuar të Gjykatës Kushtetuese për çështjet që lidhen me to.

Çitaku tha se ndryshimet e reja do të bazohen në tekstin që Kuvendi e kishte miratuar në dy lexime në tetor, por nuk dha hollësi se çfarë do të përmbajnë ato.

“Mbi atë tekst do të bëjmë ndryshimet e nevojshme për ta bërë ligjin më të qëndrueshëm juridikisht dhe për t’u dhënë çlirimtarëve tanë mbështetje konkrete shtetërore”, tha Çitaku.

Çitaku tha se i pranon kritikat për mënyrën se si PDK-ja e kishte trajtuar këtë çështje nga dita e parë.

Ajo u zotua se këtë proces “do ta çojmë deri në fund”, duke shtuar se “projektligjin do ta hartojmë dhe do ta sjellim në Kuvend për votim, më të plotë, më të qëndrueshëm juridikisht, më të zbatueshëm praktikisht”.

Ndërkohë, Kurti tha se beson se “korrigjimi” i aktgjykimit dënues të 16 shtatorit duhet të ndodhë në shkallën e dytë, pra në Gjykatën e Apelit në Hagë.

Ai paralajmëroi se Grupi Punues për Strategjinë Shtetërore për Apelin në Hagë, i themeluar nga Qeveria në tetor, do ta sjellë javën e ardhshme draftin e parë të strategjisë shtetërore për ta ndihmuar ish-katërshen e UÇK-së në apelimin e dënimeve me burgim për krime lufte.

Grupin e udhëheq Glauk Konjufca, zëvendëskryeministër i parë dhe ministër i Punëve të Jashtme.

Hashim Thaçi, Kadi Veseli, Jakup Krasniqi e Rexhep Selimi – të cilët udhëhoqën UÇK-në gjatë luftës së saj kundër forcave serbe më 1998-99 – u shpallën fajtorë më 16 shtator për akuza për krime lufte.

Ish-presidenti Thaçi dhe ish-kryeparlamentari Krasniqi u dënuan me nga 25 vjet burgim secili, ndërsa ish-kryeparlamentari tjetër Veseli u dënua me 18 vjet, dhe ish-deputeti Selimi me 13 vjet.

Që të katërtit i kanë mohuar akuzat dhe do të ankohen ndaj aktgjykimit të shkallës së parë në Apelin e Speciales. /REL/

Leave a Reply Cancel reply

Your email address will not be published. Required fields are marked *

TË FUNDIT

180 vite në qeli? Ish-hetuesja e Gjykatës për Jugosllavinë: Kërkesa e tepruar, po i burgosin përjetë

Kosova i përgjigjet kritikave të ndërkombëtarëve, nismë e re për ndryshimin e Ligjit për Specialen, Kurti dhe PDK në një mendje

November 19, 2026
Trump sulmon demokratët në fjalimin e fundit para zgjedhjeve: Janë jashtëzakonisht të rrezikshëm

Pas takimit trepalësh në Kinë, Trump telefonon liderët europianë në Berlin dhe kritikon ndihmën 70 miliardëshe për Ukrainën: Putin do paqe!

November 19, 2026
“S’keni fuqi të nxirrni një kandidat politik për Tiranën”, Balla debat me Berishën: Protesta iu p*rdhunoi…!

Balla: Buxheti 2027 ul çmimet e 54 produkteve ushqimore, naftës dhe mbështet familjet e reja

November 19, 2026
Takimi i “Koalicionit të Vullnetmirëve” në Berlin, kryeministri Rama publikon foto-albumin nga ajo çfarë nuk u pa gjatë bisedimeve!

Takimi i “Koalicionit të Vullnetmirëve” në Berlin, kryeministri Rama publikon foto-albumin nga ajo çfarë nuk u pa gjatë bisedimeve!

November 19, 2026
Zhvati 232 mijë dollarë, SHBA ekstradon shqiptarin e kërkuar për krime kibernetike!

Zhvati 232 mijë dollarë, SHBA ekstradon shqiptarin e kërkuar për krime kibernetike!

November 19, 2026
Pesha e teorisë drithëruese të pushtetit të përgjakur

Pesha e teorisë drithëruese të pushtetit të përgjakur

November 19, 2026
Operacion kundër prostitucionit në Kosovë, identifikohen 155 vajza nga Shqipëria në 40 lokale me muzikë live e qendra masazhi!

Operacion kundër prostitucionit në Kosovë, identifikohen 155 vajza nga Shqipëria në 40 lokale me muzikë live e qendra masazhi!

November 19, 2026
Protesta para Kryeministrisë, tensione dhe përplasje me Policinë, disa persona të shoqëruar!

Protesta para Kryeministrisë, tensione dhe përplasje me Policinë, disa persona të shoqëruar!

November 19, 2026
“Lojë luftash“ me Kavajën!

Berishës i duhet një kandidat i përbashkët për të fituar opozitën

November 19, 2026

Socialistët “ndezin motorët” e fushatës për zgjedhjet vendore, Rama mbledh në fundjavë Asamblenë e PS të Tiranës! Çfarë pritet të ndodhë

November 19, 2026
  • Adresa: Rruga “Mihal Popi”, Pallatet 1 Maji, Shkalla 26, Apartamenti 5, Tiranë
  • Email: javanews.al@gmail.com
  • Kontakt
  • Kreu
  • Rreth Nesh

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

No Result
View All Result
  • Politikë
  • Kronikë
  • Ekonomi
  • Bota
  • Sport
  • Kulturë
  • Opinion
  • Tendencë
  • Të tjera
    • Media në Tranzicion
    • Kosova
    • Editorial
    • Kuriozitete
    • Teknologji
    • Sociale
    • Horoskopi
    • Dossier
    • Shëndetesi

© 2025 JAVA NEWS - Të drejtat mbi përmbajtjen mbrohen sipas etikës profesionale dhe ligjeve të Republikës së Shqipërisë.

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In