Përmes zyrës së EULEX-it në Beograd, Prishtina i ka dorëzuar Ministrisë serbe të Drejtësisë dokumentacionin për vrasjen e Oliver Ivanoviç, shkruajnë mediat serbe.
Dokumentacioni përmban raportin e autopsisë dhe atë të hetimit, dhe pritet t’i dorëzohet Prokurorisë për Krim të Organizuar, ka njoftuar sot Ministria serbe e Drejtësisë, transmeton Telegrafi.
Prokuroria për Krim të Organizuar kishte kërkuar në ditën e vrasjes së Oliver Ivanoviç në pjesën veriore të Mitrovicës, që autoritetet kosovare t’ua dorëzojnë një kopje të raportit të hetimit, skicat nga vendi i krimit dhe të gjitha të dhënat tjera që mund të ndihmojnë në zbardhjen e kësaj vrasje./a.m.
