Federata e Skive të Kosovës (FSK) në kalendarin e saj për sezonin e ri ka parashikuar t’i mbajë dy gara në qendrën e skijimit në Brezovicë.
Por, as Kupën e Brezovicës që është parashikuar të mbahet në janar e as garën ndërkombëtare në shkurt të vitit të ardhshëm nuk do t’i mbajë.
FSK-ja nuk ka arritur marrëveshje me ata që menaxhojnë pistat e skijimit në Brezovicë, meqë kanë vënë kushte që për palën kosovare janë të papranueshme, shkruan Koha Ditore.
Sipas zyrtarëve të FSK-së, serbët që menaxhojnë me shtigjet dhe pajisjet tjera për skijim në këtë qendër kanë vënë si kusht kryesor mosshfaqjen e simboleve shtetërore. (b.an)
