Kosova fiton ndaj Guinesë ekuatoriale
Kosova arrin të regjistroje fitoren e dytë në histori në ndeshje miqësore. Skuadra e drejtuar nga Alebrt Bunjaku ka fituar 2 me 0 në Prishtine kundër Guinesë Ekuatoriale, kundërshtar që surprizoi në kupën e fundit të Afrikës, ku u rëndit ne vendin e katërt.
Megjithatë duhet thëne që përfaqësuesja e Kosovës ka filluar të konsolidohet pak nga pak, ndërsa nuk mungojnë edhe emrat cilësore që luajnë në këtë ekip si Ujkani, Mergim Brahimi, Ilir Berisha, Perdedaj etj.
Pavarësisht motit të keq me shi që nuk ka lejuar prezencën e madhe të tifozëve, Kosova ka luajtur me mirë sesa Guineja Ekuatoriale, duke shënuar nga një gol për pjesë me të njëjtin autor, Mergim Brahimi.
Në fillim ai shënoi një gol të bukur që në minutën e 2 përpara se afrikanet te mbeteshin me 10 lojtarë në minutën e 38. Edhe në startin e pjesës së dytë Kosova ishte shumë agresive duke dyfishuar që në fillim me Brahimin.
Për t’u evidentuar ndëshkimi me të kuq i trajnerit mik nga gjyqtari shqiptar Enea Jorgji për protestë e po ashtu ndëshkimi me të kuq i Liridon Krasniqit për Kosovën. Kjo përfaqësuese pret që të anëtarësohet në UEFA dhe FIFA vitin tjetër.
