Në mbledhjen e javës të Qeverisë së Kosovës është shqyrtuar Raporti i komisionit qeveritar për njohjen dhe verifikimin e statusit të dëshmorit të kombit, invalidit dhe veteranit te UÇK së.
Kryeministri Isa Mustafa tha se numri ka tejkaluar parashikimet, por sipas tij, pas rekomandimeve të FMN-së, mbetet që kjo çështje, siç tha ai, të rregullohen në të ardhmen.
Ministri për Punë dhe Mirëqenie Sociale, Arban Abrashi tha se bazuar në vendimin e qeverisë komisioni qeveritar ka përfunduar punën për verifikimin e veteranëve luftëtar dhe numri i tyre është 46 mijë e 230, referon Koha.
E, kryeministri Isa Mustafa tha se numri tejkalon të gjitha parashikimet dhe qëndrueshmërinë buxhetore. “Kemi qëndrim të prerë te FMN-së. Por, me rendësi është të përmbyllet kjo evidencë dhe çështjet të mbesin për t’u trajtuar në të ardhmen. Në raportin si të tillë e pranojmë por çështjet mbesin që me tutje të rregullohen”, tha ai. (b.an)
