“Sherr” live me Eni Vasilin: Je Miss Ngacmimi!
Kandidadi i Partisë Demokratike për bashkinë e Tiranës Halim Kosova, tha se nuk i interesojnë akuzat e bëra në parlament ndaj tij për afera korruptive në maternitetin “Mbretëresha Geraldine” apo edhe gjatë kohës që ishte ministër i shëndetësisë.
Duke folur në emisionin “Studion e Hapur” të gazetares Eni Vasili, kandidadi Kosova tha se këto janë akuza që bëhen në kohë fushate dhe se nuk i interesojnë. Ai sqaroi se gjatë kohës që ka qenë ministër, ka shkuar në çdo spital për të parrë mbarëvajtjen e punës si dhe gjendjen në të cilën nddodhej shëndetësia.
Kosova u shpreh në lidhje me akuzat për tenderat, se çdo para që tepronte e rikthente sërish për investime. Ai mohoi të kishte marrë ndonjë mesazh apo telefonatë nga Erion Veliaj.
“Mua nuk më interesojnë kundërshtarët e mi politikë. Unë e kam sfidën me qytetarët dhe se çfarë mund të bëj unë për ta. Pse nuk i thanë akuzat më para? Sa kohë isha ministër, 2 muaj, kam shkuar në çdo spital, madje dhe çdo tepricë nga tenderat e ktheja për investim. Dy ditët e para më kanë ardhur afërsisht 2000 sms në ditë. Stafi më tha që t’i hedhim në kompjuter dhe t’i përgjigjemi të gjithëve. Jo, i thashë. Deri në 3 të mëngjesit i kam kthyer përgjigje. Unë nuk e kam të evidentuar. Nëse më thotë suksese Erioni, s’e di se çfarë përgjigje i kam çuar. Por nëse ti më çon sms Erion Veliaj, po. Nuk e kam bërë lidhjen. Por çdo sms do t’i bësh një urim.” tha Kosova
Lidhur me akuzat e kryeministrit Edi Rama që e ka quajtur një “rival të lodhur”, Halim Kosova u shpreh se këto janë deklarata të thëna në kohë fushate, pasi përpara Rama i ka bërë propozime të reja, por pa dhënë shumë detaje.
Ai tha se nuk e zgjodhi ai të ishte kandidat për bashkinë e Tiranës, por se ishte 95% e strukturave që e shihnin si fitues të zgjedhjeve.
“Rama thotë se jam i lodhur? I ka thënë në kohë fushate pasi më parë më bënte propozime të tjera. Unë nuk zgjodha të isha kandidat. Ishte baza e PD që me sondazhet e kryera në 95% të tyre unë dilja fitues dhe kandidati i duhur.” tha ai
Megjithatë, temperatura ne studio ishte e nxehtë. Edhe pse në Studion e hapur të Eni Vasilit ai tentoi t’u japë përgjigje të gjitha pyetjeve që i kishte bërë konkurenti Veliaj, Kosova u duk tensionuar nga pyetjet e Vasilit. Madje në një moment ai ju kthye asaj gati-gati me protestë duke i thënë se ishte ngacmuar më shumë se kudo gjetkë me pyetje. Për këtë shkak, edhe vetë drejtuesen e emisionit e quajti Miss Ngacmimi. Madje direkt gjatë transmetimit.
